Bu standart informasiyanın (datanın), informasiya resurslarının və texnologiya rollarının artması ilə əlaqədar informasiya təhlükəsizliyi məsələlərini ön plana çıxarır.

Burada informasiya təhlükəsizliyinin təmin olunması üçün kompleks yanaşma tələb olunur.

İnformasiya təhlükəsizliyi idarə ediməsi sisteminin əsas məqsədi – datanın həyat tsikli proseslərində (yaradılmasında, daşıyıcıya yazılmasında, toplanıb saxlanılmasında, emal olunmasında və s.) onun tamlığına, əlçatanlığa və konfidensiallıq xassələrinin tarazlaşdırılmış şəkildə təmin edilməsidir.

ISO/IEC 27001:2013 standartı nə üçün lazımdır?

ISO/IEC 27001:2013 standartı müəssisələrdə informasiya ilə bağlı təhlükəsizlik hadisələrinin baş vermə hallarının qarşısının alınması və ya azaldılması, baş verən təhlükəsizlik hadisələrinin və onların subyektlərinin müəyyən edilməsi, təhlükəsizliklə bağlı məsələlərə vaxtında cavab reaksiyasının verilməsi, o cümlədən onların təsirinin azaldılması və təhlükəsizlik rejiminin bərpasına nail olmaq üçün lazımdır.

ISO 50001 Enerji İdarə etmə sistemi niyə vacibdir?

Yaxşı qurulmuş və düzgün idarə olunan ISO 50001 Enerji İdarəetmə Sistemi, bütün iş əməliyyatları zamanı enerjidən istifadə yanaşmasının düzgün şəkildə nəzərə alınmasını təmin edir. Bu məqsədlə Beynəlxalq Standartlar Təşkilatı (İSO), 2011-də ISO 50001 Enerji İdarəetmə Sistemi standartını hazırladı və nəşr etdi. Bu standart, müəssisələrin ümumilikdə enerji idarəetmə sistemininin qurulması və işləməsi üçün əsas verir.

Bu gün istifadə olunan enerji ehtiyatları əsasən bərpa olunmayan ehtiyatlardır və getdikcə azalmaqdadırlar. Digər tərəfdən enerji xərcləri artır. Enerji istehlakının azaldılması yalnız xərcləri azaltmaq demək deyil, həm də təbii mühitin qorunmasına xidmət edir.

İSO 50001 Enerji İdarəetmə Sistemi, digər İSO idarəetmə sistemləri kimi, planlaşdırma, həyata keçirmə, nəzarət və fəaliyyət dövrünə əsaslanır. Daha əhəmiyyətlisi isə digər mövcud idarəetmə sistemləri ilə asanlıqla inteqrasiya oluna bilər. Enerji mənbələrindən səmərəli istifadə və enerji qənaəti bu gün çox vacibdir ki, özəl və dövlət sektorda olan müəssisələrin həyata keçirdiyi layihələrə dəstək verir.

ISO 10002 sistemi şəffaf bir mexanizm olaraq, müştərilərə açıq, təsirli və istifadəsi asan olan keyfiyyətli əks əlaqə prosesini təmin edən bir sistemidir. Bu standart müştəri yönümlü mühiti yaradır, ola biləcək narazıçılıqları həll etmək, müştərilərə göstərilən xidməti yaxşılaşdırmaq üçün keyfiyyəti artırmağa dəstək olur və, nəticədə, müştəri məmnuniyyətini yüksəldir.

Tədqiqatlara görə, müəssisələrin yeni bir müştəri əldə etməsi üçün edəcəyi xərclərin miqdarı, mövcud müştərini qorumaq üçün xərclərdən dörd qat daha çoxdur. Ardıcıl olaraq müştərilərini itirən müəssisələr isə daha böyük ziyan çəkir.

Düzgün müştəri məmnuniyyəti sistemi, müştərilərin tələb və gözləntilərini idarə edərək, müəssisənin imicinin və markasının qorunmasını təmin edir. Bu baxımdan, şirkətdə “ISO 10002 Müştəri Məmnuniyyəti idarə etmə sistemi”nin tətbiqi uğurlu müəssisələr üçün ən vacib tələblərdən biridir.